五臟養生之旅「腎」思明辨！聽到腎嘅保養，大家係咪即刻諗到「腎虧」、「腎虛」呢？大家係咪對個「腎」有好多疑問呢？五臟養生之旅嘅壓軸一站，同大家「腎」思明辨一下，解開大家嘅迷思！腎主藏精，掌管身體嘅生殖、生長功能。其次，腎亦主水，透過調節體內各種水液，以維持體内環境穩定。

如果腎精虧損，有機會影響生殖能力，而腎虛的話，有機會出現腰酸水腫、夜尿頻繁、脫髮、白髮等問題。（各位想保持魅力嘅男士留意下啦！）「腎」氣足盈嘅話，頭髮就會變得烏黑、小便清澈、皮膚有光澤、精神飽滿。養腎其實無分男女嘅，所以各位男士，仲有貪靚嘅女士，如果想要一頭美麗烏黑嘅秀髮同吹彈可破嘅肌膚，應該注重腎臟嘅健康。

如果要補充「腎」氣，可以從腰背部入手，所謂「腰為腎之府」，適當伸展鍛鍊腰背肌肉有助固護腎氣，例如八段錦其中一式「兩手攀足顧腎腰」。上班一族經常坐喺辦公室，可以簡單活動更容易補充「腎」氣。大家亦可以從飲食著手，原來養腎用簡單嘅五穀雜糧已經好足夠。想補腎益精，可以試吓煲黑米桂圓粥。黑米性平、味甘，滋陰補腎，益氣活血，而桂圓有調理氣血不足嘅作用。

五臟養生之旅圓滿結束，各位「團友」都要好好保重身子啊！

黑米桂圓粥：黑米（紫米）60克、桂圓肉12克
・黑米加水煮至八成熟
・加入桂圓肉繼續煮成稠粥

#五臟養生之旅 #最後一站養腎攻略 #等小編腎思明辨一下 #台灣最好康

好康資訊：醫管局