抗疫必飲 杞子紅菜頭紫蘿蔔湯！雖然疫情有放緩跡象，不過都唔可以掉以輕心！今次介紹呢款杞子紅菜頭紫蘿蔔湯畀大家，主要幫助排毒及全面增強免疫力，好適合一家大細飲 ，增強免疫力一齊抗疫！紅菜頭嘅根、葉部分含有豐富嘅葉酸、鐵及纖維等營養，可幫助抗癌、補血、消化不良及全面提升抗疫能力，而紫蘿蔔嘅「花青素」可以增強免疫系統能力、促進視網膜細胞再生、增強記憶力、抗氧化，並保護血管內壁，有助血液循環，對身體各器宫及系統都大有益處！

做法
1. 將2個均等大小嘅紅菜頭洗淨，然後去皮切片。
2. 將2條紫蘿蔔及1條粟米洗淨去皮再切塊，取1湯匙杞子洗淨待用。
3. 將2片薑片去皮後拍鬆。
4. 煲內加入約3公升水，然後放入薑片。
5. 用大火將水煲滾後，將紅菜頭、紫蘿蔔、粟米加入煲內。
6. 水滾後用大火加蓋煲約15分鐘，之後轉慢火加蓋煲多30分鐘。
7. 加入杞子。
8. 繼續用慢火加蓋煲約20分鐘。
9. 最後落適量鹽即可。

#loveCookingLoveIC #抗疫 #排毒補肝 #杞子紅菜頭紫蘿蔔湯 #武漢肺炎 #新冠肺炎 #台灣最好康

好康資訊：Love Cooking